Mimea ambayo hupaswi kuipanda pamoja

Katika kilimo, si kila mimea huishi vizuri ikipandwa karibu na mingine. Baadhi ya mimea hushindania virutubisho, huzuia ukuaji wa mingine, au huvutia wadudu na magonjwa yanayodhuru mazao jirani.

Kujua ni mimea ipi haifai kupandwa pamoja husaidia kuongeza mavuno na kuboresha afya ya udongo.

Hii hapa ni orodha ya mimea 10 ambayo hupaswi kuipanda pamoja:

1. Mahindi na nyanya

Mahindi huvutia wadudu kama funza wa mahindi ambao pia hushambulia nyanya. Pia mahindi hurefuka na kuzuia mwanga wa jua kufika kwenye nyanya.

2. Viazi mviringo na nyanya

Nyanya na viazi hutoka familia moja (Solanaceae), hivyo hushambuliwa na magonjwa yanayofanana yakiwamo ya bakiteria na fangasi. Kupanda pamoja huongeza hatari ya maambukizi.

3. Bizari (dill) na karoti

Bizari inapokomaa huathiri vibaya ukuaji wa karoti na inaweza kuzuia ukuaji wa mizizi yake.

Dill

4. Maharage na vitunguu

Vitunguu hutoa kemikali asilia zinazozuia ukuaji wa maharage, hivyo mazao haya mawili hayafai kupandwa karibu.

5. Kabichi na nyanya

Nyanya huzuia ukuaji wa kabichi, na pia mimea hii huvutia wadudu tofauti wanaochochea kuathiriana.

6. Tango na viazi

Viazi huvutia magonjwa ya majani ambayo yanaweza kuambukiza matango, na pia hupunguza nafasi ya ukuaji wa matango.

7. Maharagee na kitunguu saumu

Kitunguu saumu, kama vitunguu maji, hupunguza ukuaji wa maharage kutokana na kemikali zake kali.

8. Hoho (Pilipili hoho) na Maharage

Maharage huathiri vibaya ukuaji wa hoho kwa kushindania virutubisho na maji.

9. Tikiti maji na viazi

Viazi huongeza hatari ya magonjwa ya udongo ambayo yanaweza kushambulia tikiti maji.

10. Mbaazi na vitunguu

Kama ilivyo kwa maharage, mbaazi hazistawi vizuri zikipandwa karibu na vitunguu.

Hitimisho

Kupanda mimea inayofaa pamoja (companion planting) ni mbinu muhimu ya kilimo endelevu. Epuka kupanda mimea inayopingana, kwa kufanya hivyo utalinda afya ya mazao yako, kupunguza matumizi ya dawa na mbolea na kuongeza mavuno.

Pamoja na kwamba nimeanza kueleza mimea isiyofaa kupandwa pamoja, nakuletea pia orodha ya mimea inayofaa kupandwa pamoja

1. Nyanya

Hufaa kupandwa na:

Basil (mvumbasi) – hufukuza wadudu na kuboresha ladha. Pia unaweza kupanda na vitunguu maji, vitunguu saumu, karoti na marigold (ua ya mapambo)

2. Mahindi

Hufaa kupandwa na:

Maharage ambayo husaidia kurejesha nitrojeni kwenye udongo na maboga. (mfumo huu hujulikana kama “Dada watatu” – Three Sisters)

3. Maharage

Hufaa kupandwa na:

Mahindi, karoti, kabichi, matango

4. Kabichi na jamii yake

(Inajumuisha kabichi, broccoli, cauliflower)

Hufaa kupandwa na:

Vitunguu, kitunguu saumu, celery na ua aina ya marigold linalosaidia kufukuza wadudu waharibifu.

5. Karoti

Hufaa kupandwa na:

Vitunguu, nyanya, maharagwe na leeks

6. Matango

Hufaa kupandwa na:

Maharage, mahindi, bizari (ikiwa changa) na radish.

7. Pilipili (Hoho na Pilipili Kali)

Hufaa kupandwa na:

Vitunguu, basil, nyanya na marigold

8. Viazi

Hufaa kupandwa na:

Maharage, kabichi na mahindi

Horseradish

9. Maboga

Hufaa kupandwa na:

Mahindi, maharage na radish

10. Lettuce (Saladi)

Hufaa kupandwa na:

Karoti, matango, radish na vitunguu

Faida za kupanda mimea inayofaa pamoja ni pamoja na kuongeza rutuba ya udongo, kupunguza wadudu waharibifu, kuhifadhi unyevu wa udongo na kuongeza mavuno.

PICHA ZOTE NA PINTEREST