Mbinu 5 za kitaalamu kuipa nyumba mwonekano wa kifahari

 

PICHA: PINTEREST

MIMEA ya ndani ni moja ya mapambo bora yanayoleta uhai wa nyumba; mchawi akiwa sanaa ya kupangilia vyungu kulingana na urefu, upana na aina ya mmea husika.

Wataalamu wa mapambo ya ndani (interior designers), wanaona kwamba mimea ya ndani kama maua yanayoongeza hewa ndani na yanayodaka vumbi yanaweza kuifanya nyumba yako ionekane ya kifahari na kukupa matokeo makubwa.

Je, umewahi kuingia kwenye ukumbi wa hoteli ya nyota tano au penthouse ya mamilioni ya dola na kujiuliza: “Kwa nini eneo hili linaonekana la hali ya juu na tulivu kwa namna ya kipekee?

Siri mara nyingi haipo kwenye sofa za ngozi ghali kupindukia au michoro ya kibunifu ukutani; bali katika asili yaani mimea iliyopandwa na ilivyopangiliwa.

Mimea imevuka hadhi ya kuwa pambo la ziada na kuwa kitovu cha ufahari, kikiwa kipengele hai kinachoweza kukuza hadhi ya nyumba na kuweka utambulisho wa kimaridadi usio na kifani.

Ili kupata mwonekano wenye hadhi ya juu, inahitaji ubunifu wa kupanga bustani yako ya ndani kwa ustadi; ikiwezekana weka ‘msitu wa ndani uliojaa vurugu.’

Ili kuweka hadhi hiyo, hautahitaji mimea mingi bali namna ulivyochagua, eneo unapoyaweka na ufikiaji wa mwanga na kivuli.

Ukishajua kile unachotamani kitokee kwa kupanda mimea ya ndani, utahakikisha kila jani linakaa mahali pake, ili kuonesha upekee wake. Kwanza utazingatia aina ya yale ambayo ungependa yatawale (Statement Piece).

Mmea au ua liwe dogo au kubwa, kinachozingatiwa ni matokeo ya mwonekane wake wa mwisho. Wataalamu wanashauri kwamba badala ya kusambaza vyungu vidogo vingi ‘vinavyoweza kuchafua’ mwonekano, wekeza kwenye mti mmoja mkubwa wenye umbo la kuvutia.

Mosi, fikiria mti mrefu kama ‘rubber plant’ na uweke kwenye sehemu kuu ya kuvutia macho; kama pembeni ya sofa au kona yenye mwanga mwingi wa jua.

Mti au ua refu kuelekea dari huleta hisia ya urefu wa kimuundo na mamlaka, na mara moja hutuma ujumbe wa hadhi ya juu.

Ni bora kuwa na mti mmoja wenye afya na wa kuvutia kuliko kumi ‘inayohangaika.

PICHA: PINTEREST

Pili, zingatia kina na vipimo. Changanya viwango vitatu vya urefu kwa kuweka mrefu kama mhimili (anchor), ua la ukubwa wa kati kama Snake Plant kwa muundo na dogo linaloning’inia chini ili kuleta ulaini.

Usisahau kutmia stendi zenye ubora kama mbao iliyopigwa msasa na polisi vizuri au chuma kilichopigwa rangi nyeusi au nyeupe, ili kuunda ubora wa ustadi wa kitaalamu.

Tatu, chagua vyungu vya maua. Unaweza kununua mmea mzuri kwa gharama kubwa, lakini ukiuweka kwenye chungu cha plastiki cha bei rahisi, thamani yake hushuka. Fikiria chungu kama ‘vazi bunifu’ la mmea wako.

Katika hili, zingatia rangi zinazooana na ukuta wa nyumba yako. Unaweza kuamua vifanane au vioane; aidha, nyeupe hafifu, kijivu isiyokoza huipa nyumba mwonekano wa gharama kubwa.

Nne, kumbuka kwamba kila nyumba ina sehemu ‘iliyokufa’, na mimea ndio tiba ya kufufua maeneo hayo.

PICHA: PINTEREST

Maeneo kama chini ya ngazi, korido nyembamba, au pengo tupu karibu na kabati la pembeni; ni maeneo unayoweza kuyapa uhai kwa kuweka ua. Kufanikisha hili, kunaleta tafsiri kwamba kila mita ya mraba imepangwa kwa makusudi.

Kwa upande wa bafuni au chooni, weka mimea inayofyonza unyevunyevu.

Kwenye mlango mkubwa, weka vyungu vya hadhi sawa pande zote za mlango na upande maua kwa usanifu unaoongeza hadhi ya nyumba yako.

PICHA: PINTEREST

Tano, ondoa upweke kwenye ukuta kwa kuning’iniza maua ya juu kama ‘money plant’ ili kuvuta macho juu na kuleta mwonekano wa kipekee.

Usisahau kitabu kwenye meza yako ya kahawa (coffe table) au console. Hapa utachanganya na maua madogo ili kuweka uhai unaotakiwa.

HITIMISHO

Upangaji wa mimea ni sanaa kuu ya kuipa nyumba yako utambulisho wa kipekee. Ingawa hakuna sheria zisizobadilika, kuchanganya mbinu hizi kwa uangalifu kutabadilisha kabisa nafasi yako. Hakikisha kila mmea ni safi bila vumbi (futa majani) kwani usafi ni mshirika kimya wa mwonekano wa kifahari.

Kwa kufanya hivi, nyumba yako itakuwa na aura mpya, mwonekano wa kistaarabu, mvuto na thamani isiyochuja.

Unahitaji msaada wa kupata mpangilio huo, andika maoni yako ili kwa pamoja tushirikiane kuunda kona bora ya kijani kwa ajili yako.