Jinsi maua yanavyofichua nguvu mbaya, umasikini ndani ya nyumba yako

 

KAMA kuna nguvu mbaya imeingia kwenye nyumba au maisha yako, maua au mimea itakuambia.

Mara nyingi yanatumia ishara, utayaona yanakauka au yanachanua zaidi; wataalamu wanashauri kama unayo nyumbani au kazini kwako, ni muhimu uamue kuwa rafiki yao.

Muhimu zaidi ni lazima uwe mcha Mungu na ukubali kuujaza moyo wako upendo na uwe tayari kusamehe na kuondoa vinyongo.

Kama ni umasikini umeingia, utaona maua yako yanakauka na kitaalamu, yapo maua yanayoweza kufukuza nguvu mbaya maishani mwako iwe ni hali ya uchumi, mahusiano au maisha.

Miongoni mwa maua au mimea inayotoa ishara haraka ni ua pesa linalojulikana kama Money plant au Marble queen Pothos, ambayo yanatajwa kuondoa nguvu ya umasikini.

Lingine ni ‘Peace Lily’ ambalo ni mahsusi kwa ajili ya kuondoa huzuni na kukupa amani na Philodendron ambalo huongeza upendo na kufukuza chuki.

Wataalamu wa mimea wanasema kwamba ukiona umeyahudumia vyema maua yako kwa kuyawekea mbolea, maji, mwanga na hewa na bado yaikafa, jichunguze binafsi huenda upendo umeisha kwako au una mtu umembeba moyoni hujamsamehe.

“Ishara nyingine ni kwamba huenda una msongo wa mawazo na hivyo hujipendi wewe mwenyewe au unayempenda hakupendi na wewe umeshindwa kumpenda mtu mwingine…ukiona hivi panda ‘Philodendron’ ingia kwenye maombi na utaona upendo ukija kwako,” anasema Anastazia Philemon, mtaalamu wa bustani.

Kwenye kipato anashauri kama una biashara au ofisi ni muhimu kuweka ‘Money Plant’ na ikitokea imekufa, unapaswa kuingia kwenye maombi mazito kuhusu uchumi wako.

“Hapo itabidi ufanye maombi ya ziada kwa ajili ya kazi au biashara yako. Unaweza kupanda ua pesa lingine au mbadala kama ‘Marble Queen’ na utaona mambo yanabadilika. Maua yanakupa ishara za kiroho kwa hiyo ni vyema ukajifunza kuwa mwombaji pia,” anasisitiza.

Kama unakosa furaha ya ndani na unaona maua yanadhohofu tambua huzuni ipo malangoni pako. Wataalamu wanasema kuwa inawezekana kudhohofu kwa maua yako ni kengele ya kukukumbusha kuomba kwa mzigo.

Ukiona ishara hii, ingia magotini na hakikisha unaongeza ‘Peace Lily’ kwenye bustani yako na utaona hali inabadilika kwa kupata amani na kuamsha maua yaliyokuwa yamesinzia.

Kama una msongo wa mawazo yaangalie maua yako utabaini upo katika wakati gani nah atua unayopaswa kuchukua kwa sababu maua yanapenda uwe na amani muda wote.

 Maua hayapatani na mtu asiye samehe, mtu mwenye vinyongo, ukiwa na maua nyumbani, kila unapopiga hatua kwenye maisha yako usisahau kuyatazama maua.

Katika yote uyafanyayo, hakikisha unachukua hatua ya maombi mapema, usije ukapanda tu maua ukamsahau Mungu, utafeli. Maua ni kama mbwa anayebweka pale mtu asiye mwenyeji anapoingia ndani, yanakupa ishara ili uchukue hatua ya kwenda mbele za Mungu.

PICHA ZOTE NA PINTEREST